बाजीप्रभू देशपांडे.

शिवरायांच्या स्वराज्याचा,
कणखर एक बुरुज होता.
नाव ऐकुनी बाजीप्रभुंचे,
गनीम थरथर कापत होता.

लाख मेले, चालतील राजे,
पोशिंदा लाखांचा जगला पाहीजे.
वडीलकीने राजांना दटावणारा,
वीर दुसरा घडला नाही.

जोवरी राजा माझा,
विशाळगडी पोहोचत नाही.
यमालाही सांगा म्हणतो,
मारायला मजला वेळ नाही.

घोडखिंडी तो उभा ठाकला,
तसूभरही हलला नाही.
जोवरी तो आवाज तोफेचा,
कानावरती पडला नाही.

काय वर्णावे शौर्य तयांचे, 
सूर्य दिपविला तेजाने.
लढता लढता, घोडखिंडीला,
पावन केले रक्ताने.
                   ------ तेजाकांत.