मत्सर

तू मोठा कि मी मोठा,
आयुष्यभर लढलो आम्ही. 
ना त्यांना मोठे होऊ दिले,
ना कि मोठे झालो आम्ही. 

लढता लढता एक दिवस,
निरोप जगाचा घेतला आम्ही. 
ते तरी का मागे राहतील,
तासभर आधीच गेले तेही. 

मरणानंतर कळलं परी,
एकाच लाकडात जळालो आम्ही. 
खात्री दोघांना स्वर्गाची होती,
परी नरकातच भेटलो आम्ही. 
               ------ तेजाकांत.

आयुष्य सौंदर्याचं

आयुष्य सांगा सौंदर्याचं,
असं किती ते असतं. 
तारुण्याच्या शेवटापर्यंत,
सांगा कुठे ते टिकतं. 
           ------ तेजाकांत

खेळ प्रेमाचा.

लडिवाळ खेळ प्रेमाचा,

प्रेमानेच खेळलो आम्ही. 

लाख वेळा हरलो जरी,

मैदान नाही सोडले आम्ही. 

घट्ट करुनि मन आम्ही,

लाखवेळा नकार झेलला. 

मैदानाचेच काय म्हणता?

प्रतिस्पर्धीही तोच ठेवला. 

कंटाळूनी आम्हा जरी,

गावं आहे सोडले त्यांनी. 

नंबर आमचा पुसणार नाही,

खात्री याची ठेवतो आम्ही. 

कधी ना कधी, चुकून तरी,

आठवण त्यांना येईल आमची. 

आशा हीच धरुनी मनी,

नंबर नाही बदलला आम्ही. 

                       ----- तेजाकांत