लैला - मजनू

गलेलठ्ठ एका मजनूने,
लैलेवरती प्रेम केले. 
भरून वाहणारे खिसे त्याचे,
सारेच्या सारे फाटून गेले. 

चवळी सारखी लैला त्याची,
ढब्बूसारखी वाढत गेली. 
बटाट्यासम मजनूचे परी,
सुकवलेले बोंबील झाले. 
              ----- तेजाकांत. 

मन मजनूचे

मन मुलींचं आयुष्यभर,
मुलात एका अडकून बसतं. 
मन मुलांचं परी वेगळं,
त्यांच्यापेक्षा थोडं असतं. 

एकाच काय, अनेक मुलींना,
मनात आपल्या जागा देतं. 
म्हणुन म्हणतो मन मुलांचं,
मुलींपेक्षा मोठच असतं. 
                ------ तेजाकांत.