चोरून तीला पाहत असता,
झाली आमची नजरानजर.
आम्ही शोधले प्रेम परंतु,
नजरेत तिच्या होता अंगार.
रागभरल्या तिच्या कटाक्षाने,
गर्भगळीत जाहलो आम्ही.
तरीही तिला कळू ना देता,
स्मितहास्य केले आम्ही.
निमिषभराच्या नजरभेटीचा,
काय सांगावा तुम्हा सार,
किती शोधले प्रेम तरी,
आम्हा लाभला तिरस्कार.
तिरस्काराने संपेल ऐसे,
प्रेम आमचे उथळ नाही.
अनेक वर्षे झुरतोय राणी,
प्रेम आमचे नवखे नाही.
या प्रेमाचा मनात आमच्या,
खूप आहे जुना ज्वर,
जेव्हा करीत होता राणी,
तुम्हीच तुमचा तिरस्कार.
------ तेजाकांत.
