बुधवार, २५ मे, २०२२
बाजीप्रभू देशपांडे.
शिवरायांच्या स्वराज्याचा,
कणखर एक बुरुज होता.
नाव ऐकुनी बाजीप्रभुंचे,
गनीम थरथर कापत होता.
लाख मेले,
चालतील राजे,
पोशिंदा लाखांचा जगला पाहीजे.
वडीलकीने राजांना दटावणारा,
वीर दुसरा घडला नाही.
जोवरी राजा माझा,
विशाळगडी पोहोचत नाही.
यमालाही सांगा म्हणतो,
मारायला मजला वेळ नाही.
घोडखिंडी तो उभा ठाकला,
तसूभरही हलला नाही.
जोवरी तो आवाज तोफेचा,
कानावरती पडला नाही.
काय वर्णावे शौर्य तयांचे,
सूर्य दिपविला तेजाने.
लढता लढता,
घोडखिंडीला,
पावन केले रक्ताने.
------ तेजाकांत.
शुक्रवार, २५ फेब्रुवारी, २०२२
नोकरी
मन नाही लागत ईथे,
दररोज म्हणतात सारे,
पण सत्य एकच सांगतो ऐका,
तीच्यावरती मरतात सारे.
एक मात्र खरे आहे,
तिच्यामुळेच जगतात सारे.
आहे तिच्यात खुश परी,
कधी कुठे असतात सारे.
हिच्यापेक्षा चांगली मिळाली,
यत्न रोज करतात सारे.
चांगली कधी मिळत नसते,
मनोमनी हे जाणतात सारे.
लोहा मानून गुमान तिच्या,
तालावरी नाचतात सारे.
बायको पेक्षा वेळ हीलाच,
जगामध्ये देतात सारे.
घोट मदिरेचा कटू तरीही,
पिऊन तिजला असतात सारे.
ती म्हणजे नोकरी मित्रांनो,
जीच्यावरी मरतात सारे.
----- तेजाकांत
शुक्रवार, ३ सप्टेंबर, २०२१
काळजाचा तुकडा
कधी घास भरवा म्हणून,
बाबा कडे हट्ट धरते.
कधी त्याच हट्टाने,
छोटा घास त्याला भरवते.
म्हणून मुलगी बापाच्या,
काळजाचा तुकडा असते.
कधी थकलेल्या बापाला,
हळूच येऊन मिठीत घेते.
गोड गाली हसून ती,
थकवा त्याचा दूर करते.
म्हणून मुलगी बापाच्या,
काळजाचा तुकडा असते.
मुलीच जग बाबा,
बापाचं जग मुलगी असते.
नेहमी ती बाबांच्या,
मागेपुढे करत असते.
म्हणून मुलगी बापाच्या,
काळजाचा तुकडा असते.
नखरा तिचा झेलण्याची,
बापाची नेहमी तयारी असते.
या जगात एकच नाते,
जगापेक्षा वेगळे असते.
आणि मुलगी बापाच्या,
काळजाचा तुकडा असते.
_______तेजाकांत.
याची सदस्यत्व घ्या:
पोस्ट (Atom)